{"data":{"id":"us-gu/1-gca-843","jurisdiction":"us-gu","citation":"1 GCA § 843","heading":"U ma desikna i “Route 4, Route 2, yan i Route 2a” tåt kumu “CHALAN CHAMORRO”.","body":"I “Route 4, Route 2, yan i Route 2a” u ma desikna på’go kumu enfin “CHALAN CHAMORRO”, desde i umachetton-ña yan i “Route 1” yan asta i enteru i inanakko’-ña fuera di u ma asiknå-ña mås. U ma otden i Dipåttamenton I Che’cho’ Pupbleko na u fanma kahåti tapbleru gi kanton i chalan gi risunåble na destånsia ya u annok na ma asikna i chalan, tåt kumu i “CHALAN CHAMORRO”. Yå enfin, na i Dipåttamenton i Che’cho’ Pupbleko u fanma eppok, na u fanmama’tinas siha fitme yan propiu na tapbleru siha ni’ gof annok yan takhelo’ ya u inasikna i “Route 4, Route 2, yan i Route 2a” na guiya i mismo na chålan ma fa’na’an “CHALAN CHAMORRO” gi chalan annai umakrusa i “Route 4” yan “Route 1,” “Route 4” yan “Route 10,” “Route 2a yan Route 1”, yan gi månu mås na u dinitetmina ni’ Dipåttamenton i Che’cho’ Pupbleko. I Dipåttamento u finatta mås tapbleru siha gi kanton katsåda pat osino gi fi’on i chalan siha ni’ manengkrusa yan maseha månu na ma asikna mås tapbleru na u annok este: “CHALAN CHAMORRO”, PARA I MANÅOTAO GUÅHAN NI’ MANMA SÅ’PET GI DURÅNTEN I GERA II YAN PARA TODU I MANCHAMORRO.” Para u guaha fotmåt na sirimonia ni’ para u ma desikna este i “Route 4, Route 2, yan i Route 2a” tåt kumu “CHALAN CHAMORRO” ya u ma kondukta este na sirimonia gi entre i duråntensisenta (60) dihas yan mungnga menos di, despues di u inåkto ifektibu nu este na fecha.","path":["Title 1: General Provisions","Chapter 8: Government Facilities","ARTICLE 1: PLACE NAMES"],"source_url":"https://col.guamcourts.gov/sites/default/files/01gc008_Q.pdf","current_through":"P.L. 38-133 (June 4, 2026)","vintage":"","retrieved_at":"2026-09-27T02:04:48Z","sha256":"e2d91756e0d3426d429acebeb73fd3ed335d504aef4f6d5bd7615bffcb218c23","source_id":"us-gu","stale":false,"prev":"us-gu/1-gca-842","next":"us-gu/1-gca-844"},"notice":"GroundRules: Original legal text. Not legal advice."}